პრემიერის პრესსამსახურის ცნობით, მხარეებმა ევროკავშირთან თანამშრომლობის აქტუალური საკითხები, მათ შორის, „აღმოსავლეთ პარტნიორობის“ რიგის სამიტამდე განსახორციელებელი გეგმები განიხილეს.
“საქართველოს მთავრობის მეთაურმა მადლობა გადაუხადა ჰერმან ვან რომპეს საქართველოში ვიზიტისთვის, რაც, მისი თქმით, კიდევ ერთხელ ადასტურებს ევროკავშირის განსაკუთრებულ ინტერესს საქართველოსადმი და წარმოადგენს ევროკავშირის მტკიცე პოლიტიკური მხარდაჭერის დემონსტრირებას”, – ნათქვამია პრემიერის პრესსამსახურის განცხადებაში.