გამოცემის თანახმად, სროლა მაშინ დაიწყო, როდესაც ადგილობრივი მოსახლეობა სკოლის ეზოში ჟურნალისტებს ხვდებოდა.
“აზერბაიჯანელმა სამხედროებმა ცეცხლი ასევე იმ სასოფლო- სამეურნეო ტექნიკას გაუხსნეს, რომლის გამოყენებითაც მოსახლეობა იმ დროს მინდვრებში მუშაობდა. დაღუპულები და დაშავებულები არ არიან. ადგილობრივი მოსახლეობა ხუმრობდა, რომ ისინი უკვე მიეჩვივნენ სროლებს და ამაში განსაკუთრებულს ვერაფერს ხედავენ,”- წერს გამოცემა.
დღესვე სომხეთის შეირაღებული ძალები ცეცხლის შეწყვეტის რეჟიმის დარღვევაში დაადანაშაულა ოფიციალურმა ბაქომ.
თავდაცვის უწყების ინფორმაციით, სომხეთის სამხედროებმა 2 მაისის ღამეს რამდენჯერმე დაარღვიეს ცეცხლის შეწყვეტის რეჟიმი, რის შემდეგაც აზერბაიჯანის მხრიდან საპასუხო ცეცხლი იყო გახსნილი.
მსგავსი განცხადებები ცეცხლის შეწყვეტის რეჟიმის დარღვევის ბრალდებებთან დაკავშირებით სომხეთისა და აზერბაიჯანის მხრიდან თითქმის ყოველდღე ვრცელდება.