“არასამთავრობო ორგანიზაციების წარმომადგენლები აცხადებენ, რომ რთული იქნება მოქალაქეებისთვის “აგენტსა” და “ჯაშუშს” შორის სხვაობის დადგენა,”- მიიჩნევს სოციალურ-ეკონომიკური და კულტურული განვითარების სააგენტოს ხელმძღვანელი დინა ალბოროვა.
“ტერმინოლოგია, რომელიც კანონის ახალ რედაქციაში გამოიყენება, “საზარელია”,- აცხადებს გამოცემასთან საუბარში პოლიტოლოგი ალან პარასტაევი.
არასამთავრობოების წარმომადგელები მიიჩნევენ, რომ საჭიროა კანონპროექტი “მესამე სექტორის” წარმომადგენლებთან განიხილონ.
შეგახსენებთ, რომ მიმდინარე თვის დასაწყისში სამხრეთ ოსეთში “არასამთავრობო ორგანიზაციების შესახებ” იმ კანონის პროექტი მოიწონეს, რომელიც საზღვარგარეთიდან დაფინანსებულ ორგანიზაციებთან დაკავშირებით “უცხოელი აგენტის” გაგებას განსაზღვრავს.
მისივე თქმით, საჭიროების შემთხვევაში, იუსტიციის სამინისტრო უფლებამოსილია არასამთავრობოს ლიკვიდაცია მოახიდნოს.
მსგავსი კანონი, რომელიც საზღვარგარეთიდან დაფინანსებული არასამთავრობოების საქმიანობას შეეხება, არსებობს რუსეთის ფედერაციაში. აღნიშნული კანონით, ის არასამთავრობოები, რომლებიც პოლიტიკურ მოღვაწეობას ეწევიან, კანონის თანახმად, უნდა დარეგისტრირდნენ, როგორც “უცხოელი აგენტები.” რუსეთში ასეთი სტატუსის მატარებელი ორგანიზაცია მხოლოდ ერთია.