ნეტგაზეთი | “დროა შეწყდეს ჩვენი აღქმა საქართველოს თვალსაწიერიდან” “დროა შეწყდეს ჩვენი აღქმა საქართველოს თვალსაწიერიდან” – Netgazeti
RU | GE  

“დროა შეწყდეს ჩვენი აღქმა საქართველოს თვალსაწიერიდან”

“დროა შეწყდეს ჩვენი აღქმა საქართველოს თვალსაწიერიდან. აფხაზეთს სჭირდება პირდაპირი, კონკრეტული და არაპოლიტიზებული დახმარება სოციალურ-ეკონომიკური, ინფრასტრუქტურის აღდგენაში. პოლიტიკური და გარკვეული გეოპოლიტიკური არჩევანის გაკეთების იძულება კი უშედეგო და არაპროდუქტიულია,”- განაცხადა აფხაზეთის საგარეო საქმეთა მინისტრის მოადგილემ, ირაკლი ხინთბამ გამოცემა იზვესტიასთან საუბარში. 

 

ინტერვიუში, სახელწოდებით – “ძალადობრივი უკრაინიზაცია და ქართველიზაცია – მსგავსი საკითხებია” – აფხაზეთის საგარეო უწყების მეორე პირი აფხაზეთის ევროსტრუქტურებთან სამომავლო ურთიერთობის საკითხებზე საუბრისას ამბობს, რომ აფხაზეთთან არავინ აპირებს ღრმა და ყოვლისმომცველი სავაჭრო ხელშეკრულების შეთანხმების ხელმოწერას.


“საუბარია ევროკავშირის გეგმებზე საქართველოსთან მიმართებაში, რომელშიც აფხაზეთი საერთო სურათის ნაწილად განიხილება. რასაკვირველია, საკითხის ამგვარად დასმას არ ვეთანხმებით. ჩვენი ურთიერთობა ევროკავშირთან კავკასიის რეგიონში გეოპოლიტიკური სიტუაციის გავლენითაა განპირობებული. ჯერ კიდევ უარყოფითია ევროკავშირის დამოკიდებულება აფხაზეთის დამოუკიდებლობის საკითხის მიმართ. თუ ჩვენს ევროპელ კოლეგებს რეალურად უნდათ აფხაზებს დაეხმარონ, რომლებიც საქართველოს მიერ წამოწყებული ომის შემდეგ დაზარალდნენ, აფხაზეთის საზოგადოებას, როგორც დამოუკიდებელ ფასეულობას, ისე უნდა შეხედონ და არა როგორც ობიექტს, რომელზეც გავლენა უნდა მოახდინო საქართველოს ე.წ. ტერიტორიული მთლიანობის აღდგენის მიზნით,”- განაცხადა ხინთბამ. 

 

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი , ------------------------------------------------------------ , -------------------------------------------------------------- , მასალაში გამოყენებულია თვითაღიარებულ რესპუბლიკაში დამკვიდრებული ტერმინილოგია