ნეტგაზეთი | საკრებულომ 142 მართლმადიდებლურ ეკლესიას თბილისში ბიუჯეტიდან თანხა გამოუყო საკრებულომ 142 მართლმადიდებლურ ეკლესიას თბილისში ბიუჯეტიდან თანხა გამოუყო – Netgazeti
RU | GE  

საკრებულომ 142 მართლმადიდებლურ ეკლესიას თბილისში ბიუჯეტიდან თანხა გამოუყო

თბილისის სარებულოს გადაწყვეტილებით, ქალაქში არსებულ მართლმადიდებლურ ეკლესიებს მოთხოვნის შემთხვევაში 10 ათასი ლარი მიეცემათ. 

აღნიშნული გადაწყვეტილება საკრებულომ ბიუროს სხდომაზე 14 აპრილს მიიღო. საკრებულოს განცხადებით, აღნიშნული თანხა თბილისში მდებარე ეკლესიებმა, მათ შორის სამების სახელობის საპატრიარქო ტაძარმა, ანჩისხატისა და ალექსანდრე ნეველის სახელობის ეკლესიებმა, მიმდინარე ინფრასტრუქტურული სამუშაოებისა და სხვა მიზნებისთვის უნდა გამოიყენონ. 

 

ეკლესიები იმ შემთხვევაში მიიღებენ ფულს თბილისის ბიიუჯეტიდან, თუ ისინი რაიონულ გამგეობებს წერილობით მიმართავენ. თბილისის საკრებულო განმარტავს, რომ ასეთი სულ 142 ეკლესიაა.

 

ნეტგაზეთის კითხვას, რატომ ეხება ეს გადაწყვეტილება მხოლოდ მართლმადიდებლურ ეკლესიებს და არა სხვა კონფესიების კუთვნილ საკულტო ნაგებობებს, საკრებულოს თავმჯდომარე ირაკლი შიხიაშვილმა უპასუხა, რომ სხვა კონფესებსაც მიეცემათ საშუალება იმის, თუ სურვილი ექნებათ.

“ამ წუთას გამოყოფილია პროექტების სახით მართლმადიდებლებისთვის, თუ ექნება სურვილი სხვა კონფესიებს და მოგვმართავს, გამოვუყოფთ.”

 

საკრებულოში აცხადებენ, რომ ეს გადაწყვეტილება მართლმადიდებელ ეკლესიასთან ურთიერთშეთანხმებით მიიღეს და არ გამორიცხავენ, რომ შემდეგ წელსაც ჩაიდოს თბილისის ბიუჯეტში ამგვარი პუნქტი. 

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი .