ფედერალებმა გაყინეს რუსი ოლიგარქის, ოლეგ დერიპასკას ქონება აშშ-ში, მათ შორის მისი 42.5$ მლნ-ად შეფასებული სასახლე ნიუ-იორკში, წერს გამოცემა Daily Beast.
მილიარდერი ბიზნესმენი დაახლოებულია პოლ მანაფორტთან, დონალდ ტრამპის წინასაარჩევნო კამპანიის ყოფილ ხელმძღვანელთან, რომელიც გადასახადებისათვის თავის არიდებასა და თანხის დამალვაში დამნაშავედ ცნეს აშშ-ში.
დერიპასკა, რომელმაც ძირითადად ალუმინის ბიზნესით დააგროვა ქონება, ასევე ახლოსაა ვლადიმირ პუტინთან და შესაძლოა გარეული იყოს მკვლელობის, ფულის გათეთრების, ქრთამის აღების და რეკეტის საქმეებში.
