“სამარცხვინოა, რომ პრემიერ–მინისტრმა ღარიბაშვილმა წარმოადგინა ეს ინიციატივა კანონპროექტთან ერთად, რომელიც ლგბტ პირების დაცვას ემსახურება. ეს ცვლილება არის ლგბტ პირების დისკრიმინაციის ინსტიტუციონალიზაცია და სხვა არანაირ მიზანს არ ემსახურება”, – აცხადებს ულრიკე ლუნაჩეკი, რომელიც ევროპის პარლამენტის ლგბტ უფლებებზე მომუშავე ჯგუფის თანათავმჯდომარეცაა. 

ამავე ჯგუფის კიდევ ერთი თანათავმჯდომარე მაიკლ ქეშმენი ასევე აცხადებს, რომ ეს ინიციატივა სრულებით არ არის მისასალმებელი:

“მას შემდეგ, რაც 2000 წელს საქართველოში ჰომოსექსუალობის დეკრიმინალიზაცია მოხდა, საქართველომ აჩვენა ვალდებულება, რომ დაიცავდა ლგბტ ადამიანებს დისკრიმინაციისგან. საქართველომ პატივი უნდა სცეს მრავალფეროვნებას და არ უნდა დაბრუნდეს რეპრესიულ და უარყოფით წარსულში”, – აცხადებს მაიკლ ქეშმენი.