ცხინვალი თბილისს მოქალაქეების უფლებების დარღვევაში ადანაშაულებს

ცხინვალი თბილისს ადანაშაულებს იმაში, რომ სასაზღვრო ზოლის მოწყობის საკითხებზე სასაუბროდ ოფიციალური თბილისი შემხვედრ ნაბიჯებს არ დგამს და შესაბამისად, საკუთარი მოქალაქეების უფლებებს არღვევს. 

სამხრეთ ოსეთის მხრიდან აღნიშნულ პროცესს სახელმწიფო საზღვრის დელიმიტაციის სპეციალური კომისია აკონტროლებს, რომელიც 2012 წელს, პრეზიდენტის განკარგულებით შეიქმნა.


“ეხო კავკაზასთან” საუბარში სამხრეთ ოსეთის ოფიციალური წარმომადგენელი, პარლამენტის წევრი, ამირან დიაკონოვი აცხადებს, რომ საქართველოსა და სამხრეთ ოსეთს შორის ადმინისტრაციული საზღვარი დაზუსტდება და დაკორექტირდება.

 

გამოცემასთან საუბარში ადგილობრივი მცხოვრები თემურ ცხურბათი ამბობს, რომ წლების განმავლობაში, ნებისმიერი ხელისუფლების ყოფნის დროს, როგორც ოსი, ისე ქართველი გლეხები ყოველთვის იცავდნენ საზღვრებს.

“თუ ქართველები თავიან საქონელს საძოვრად ოსეთის ტერიტორიაზე გადაიყვანდნენ, ამისთვის ყოველთვის იხდიდნენ. მაგალითად, აძლევდნენ ცხვარს, ან უბრალოდ, მადლობას უხდიდნენ. როდესაც რაღაც ფორმალური რუკებით საზღვრების მოწყობა დაიწყეს, რა თქმა უნდა, ორივე მხრიდან პრეტენზიები გაჩნდა,”- აცხადებს ის.

 

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი , ------------------------------------------------------------ , -------------------------------------------------------------- , მასალაში გამოყენებულია თვითაღიარებულ რესპუბლიკაში დამკვიდრებული ტერმინილოგია