ახალი ამბებიგართობა

“ვესტვორლდის” მე-3 სეზონში ითამაშებს აარონ პოლი “მძიმე დანაშაულიდან”

15 სექტემბერი, 2018 • 1610
“ვესტვორლდის” მე-3 სეზონში ითამაშებს აარონ პოლი “მძიმე დანაშაულიდან”

“ველური დასავლეთის სამყაროს” (“ვესტვორლდის”) მე-3 სეზონის ძირითადი მსახიობებს სიას შეემატა აარონ პოლი, რომელიც “მძიმე დანაშაულში” ერთ-ერთი მთავარი — ჯესი პინკმენის — როლის შემსრულებელია.

ინფორმაცია ამის შესახებ გაავრცელა Business Insider-მა.

მსახიობმა ეს ცნობა ტვიტერზე დაადასტურა:

აარონ პოლს ემის ჯილდო აქვს მიღებული “მძიმე დანაშაულში” (“ბრეიქინგ ბედში”) შესრულებული როლისათვის.

ემის წლევანდელ დაჯილდოებაზე წარდგენელია “ველური დასავლეთის სამყაროც” რამდენიმე კატეგორიაში — საუკეთესო სერიალი, საუკეთესო ქალი მსახიობი (ევან რეიჩელ ვუდი), საუკეთესო კაცი მსახიობი (ჯეფრი რაიტი და ედ ჰარისი), საუკეთესო მეორეხარისხოვანი როლის შემსრულებელი მსახიობი ქალი (თანდი ნიუტონი).

სამეცნიერო ფანტასტიკის ჟანრის “ვესტვორლდი” HBO-ზე გადის.

სერიალი, ერთი შეხედვით, რობოტებზეა — ადამიანების სიმულაციებზე, რომლებსაც თითქოს საკუთარი “მე” არ გააჩნიათ. თუმცა, როგორც მაყურებელი სერიალის განვითარებასთან ერთად ხვდება, “მასპინძლების” (ასე უწოდებენ “ველური დასავლეთის სამყაროში ხელოვნურ ინტელექტს) რეალობები გაცილებით უფრო კომპლექსურია და, მათ, სწორი განვითარების შემთხვევაში, ცნობიერებას შეიძლება მიაღწიონ.

“ველური დასავლეთის სამყაროს” ეორე სეზონი 2018 წლის ზაფხულში დასრულდა. დასასრულმა პასუხები ისე გასცა წინა ეპიზოდებში წამოჭრილი კითხვების უმრავლესობას, რომ ცნობიერებაზე, არჩევანის თავისუფლებასა თუ სხვა საჭირბოროტო საკითხზე მსჯელობისათვის კვლავ ფართო სააზროვნო სივრცე დატოვა. ჯერჯერობით უცნობია, რა მიმართულებით განვითარდება მესამე სეზონი.

მასალების გადაბეჭდვის წესი