ფიზიკური დაპირისპირება ოზურგეთში — დაკავებულია ერთი პირი

15 სექტემბერს, ნაშუადღევს, ოზურგეთში დაჭრეს ორი ახალგაზრდა, მათ შორის ერთი არასრულწლოვანი.

შსს-ის ცნობით, პოლიციამ ცხელ კვალზე დააკავა ერთი ადამიანი.

„ინტერპრესნიუსი” წერს, რომ ახალგაზრდებს ჭრილობები გულ-მკერდისა და ბარძაყის არეში ცივი იარაღით აქვთ მიყენებული.

არასრულწლოვანი გადაყვანილია ოზურგეთის კლინიკა “მედალფაში”. “ნეტგაზეთი” კლინიკასთან დაკავშირებას ცდილობს დამატებითი ინფორმაციის მოპოვების მიზნით

როგორც შსს-ში “ნეტგაზეთს” უთხრეს, გამოძიება მიმდინარეობს სსკ-ის 117-ე — ჯანმრთელობის განზრახ მძიმე დაზიანების — მუხლით.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com