სტრატეგიის მიხედვით, „m² უძრავი ქონების“ მიზანია ყველა მიმდინარე და სამომავლო დეველოპერული პროექტების ფარგლებში იზრუნოს იმაზე, რომ ადამიანებს შეუქმნას კომფორტული, ჯანსაღი და უსაფრთხო გარემო.
სოციალური პასუხისმგებლობის ფარგლებში, კომპანია აქცენტს გააკეთებს სამ სფეროზე: გარემოს დაცვა, ადაპტირებული გარემოს შექმნა და ადგილობრივი საგანმანათლებლო კერების მხარდაჭერა.
წელს სოციალური პასუხისმგებლობის პირველი პროექტი კომპანიამ „m² უძრავი ქონება“ ნუცუბიძის ქუჩაზე მიმდინარე სამშენებლო პროექტის მიმდებარედ განახორციელა. კომპანიამ მშენებლობის ახლოს მდებარე თბილისის 126-ე საშუალო სკოლაში გაარემონტა და სრულად აღჭურვა კომპიუტერული კლასი, სასწავლო ბიბილიოთეკის საცავი და სამკითხველო. დამატებით, სკოლის ეზოში სპორტული მოედანი მოაწყო. კომპანიამ „m² უძრავი ქონება“, მოსწავლეების გახალისების მიზნით, დეკორატიულადაც გააფორმა სამკითხველო, რათა ბავშვებმა უფრო მყუდრო და სახალისო გარემოში შეძლონ კითხვა და მეცადინეობა. კომპანიამ სამკითხველოს საჩუქრად გადასცა წიგნები.
დღეისთვის კომპანია „m² უძრავი ქონება“ ახორციელებს ორ პროექტს: საცხოვრებელი კომპლექსი ნუცუბიძის ქუჩაზე, მეტრო ვაჟა-ფშაველადან 300 მეტრის მანძილზე, რომლის ჩაბარებაც 2015 წლის ნოემბერში იგეგმება; საცხოვრებელი კომპლექსი ყაზბეგის გამზირზე, რომლის ჩაბარებაც 2016 წლის თებერვალშია გათვალისწინებული. დასრულების პროცესშია კომპანიის პროექტი „m² იპოდრომზე“.
დამატებითი ინფორმაცია კომპანიისა და მისი პროექტების შესახებ შეგიძლიათ იხილოთ ვებგვერდზე: www.m2.ge