ატენის ხეობაში, ტყეში გაჩენილი ხანძარი ლიკვიდირებულია. დამწვარია 8 ჰექტრამდე ფართობი. მონიტორინგის მიზნით ხანძრის ადგილზე რამდენიმე სახანძრო-სამაშველო ჯგუფი მთელი ღამის განმავლობაში დარჩება.
საგანგებო სიტუაციების მართვის სამსახურის ცნობით, ხანძრის ქრობის პროცესში ჩართული იყო სახანძრო-სამაშველო ტექნიკა, ადგილზე ასევე მუშაობდა საგანგებო სიტუაციების მართვის სამსახურის 50-მდე მეხანძრე-მაშველი.
ადგილზეამ დრომდე რჩებიან სახანძრო – სამაშველო ძალების დეპარტამენტის უფროსი, შიდა ქართლის გუბერნატორი, შინაგან საქმეთა სამინისტროს შიდა ქართლის პოლიციის დეპარტამენტის ხელმძღვანელი და სამართალდამცავები.
შინაგან საქმეთა სამინისტრომ გამოძიება 188-ე მულის მეორე ნაწილით დაიწყო, რაც ცეცხლთან ან საფრთხის წყაროსთან გაუფრთხილებელი მოპყრობით ნივთის დაზიანებას ან განადგურებას გულისხმობს.
ცეცხლი ატენის ხეობაში დღეს, 5 სექტემბერს, საღამოს გაჩნდა.