ნეტგაზეთი | ისრაელთან უვიზო მიმოსვლაზე შეთანხმება დღეიდან ამოქმედდა ისრაელთან უვიზო მიმოსვლაზე შეთანხმება დღეიდან ამოქმედდა – Netgazeti
RU | GE  

ისრაელთან უვიზო მიმოსვლაზე შეთანხმება დღეიდან ამოქმედდა

ისრაელში საქართველოს მოქალაქეებს უვიზოდ შეეძლებათ მიმოსვლა, ამის შესახებ საქართველოს საგარეო საქმეთა მინსიტრმა მაია ფანჯიკიძემ განაცხადა.

მაია ფანჯიკიძის განცხადებით, ამის შესახებ შეთანხმებას პრემიერ–მინისტრმა ღარიბაშვილმა ჯერ კიდევ შინაგან საქმეთა მინისტრობისას მოაწერა ხელი, თუმცა შეთანხმება დღეს ამოქმედდა:

 

“უნდა განხორციელებულიყო შესაბამისი პროცედურები იმისათვის, რომ ძალაში შესულიყო ეს შეთანხმება და სწორედ მთავრობის სხდომის მიმდინარეობისას დაურეკა პრემიერს შინაგან საქმეთა მინისტრმა ისრაელიდან და აცნობა, რომ მათ მიიღეს პოლიტიკური გადაწყვეტილება, არ დაელოდონ პროცედურებს და ეს შეთანხმება ამოქმედდეს ახლავე”, – აცხადებს მაია ფანჯიკიძე.

 

მინისტრის თქმით, საქართველოს მოქალაქეებს ისრაელში ყოფნა უვიზოდ 90 დღის მანძილზე შეეძლებათ. თუმცა ფანჯიკიძემ განაცხადა, რომ საკითხის ნოტიფიკაცია ჯერ დასრულებული არ არის, რადგან ისრაელის საგარეო საქმეთა სამინისტრო გაფიცულია. ფანჯიკიძის თქმით, პროცედურების თაობაზე დამატებით ინფორმაციას საქართველოს საგარეო უწყება საქართველოს მოქალაქეებისთვის უახლოეს დღეებში გამოაქვეყნებს.

ნეტგაზეთის მასალების სხვა გამოცემებში გადაბეჭდვის წესი
ანი ბერუკაშვილი