აშშ-ის პრეზიდენტის დონალდ ტრამპის საარჩევნო კამპანიის ყოფილი ხელმძღვანელი, პოლ მანაფორტი დამნაშავედ ცნეს 8 საფინანსო დანაშაულში. ამის შესახებ CNN წერს.
გამოცემის თანახმად, ნაფიცმა მსაჯულებმა მანაფორტის მიმართ წაყენებულ 10 სხვა ბრალდებაზე ვერდიქტი ვერ გამოიტანეს.
მანაფორტისთვის წაყენებული 8 ბრალდებიდან, რომლებშიც დამნაშავედ ცნეს, 5 საგადასახადო თაღლითობას ეხებოდა, ერთი- უცხოურ ბანკში არსებული ანგარიშის დამალვას, ხოლო ორი – საბანკო თაღლითობას. მაქსიმალური სასჯელის ზომა აღნიშნული დანაშაულებისთვის 80 წელია.
გარდა კამპანიის ხელმძღვანელისა, დანაშაულებრივ ქმედებებს უკავშირებენ ტრამპის ყოფილ ადვოკატ მაიკლ კოენს, რომელმაც სამშაბათს, 20 აგვისტოს, გამართულ სასამართლოზე აღიარა, რომ “ფედერალური ოფისის კანდიდატთან კოორდინაციაში” დამალა ინფორმაცია, რაც ტრამპს დააზიანებდა 2016 წლის არჩევნების დროს.
