იტალიის ქალაქ გენუასთან ახლოს საავტომობილო ხიდის ნაწილის ჩამონგრევას მსხვერპლი მოჰყვა. როგორც BBC ადგილობრივ პოლიციაზე დაყრდნობით იუწყება, ინციდენტის შედეგად ათამდე ადამიანია დაღუპული.

#14agosto il video del crollo di #PonteMorandi a #Genova Polcevera Morandi@VAIstradeanas @DPCgov @emergenzavvf @Viminale @ComunediGenova @StradeAnas pic.twitter.com/9viaWCfAcu

— Polizia di Stato (@poliziadistato) August 14, 2018

ხიდის ნგრევას წინ ძლიერი წვიმა უძღოდა. CNN-სა და ადგილობრივი გამოცემა ANSA-ს ინფორმაციით, ნანგრევების ქვეშ არაერთი მანქანაა მოყოლი, გარდაცვლილი ადამიანებით. მისივე ცნობით, ინციდენტამდე, ხიდის უკვე ჩამონგრეულ ნაწილში 10 ავტომობილი მოძრაობდა.

ტრაგედიის ადგილზე დიდი რაოდენობით მეხანძრე-მაშველები არიან მობილიზებულნი. სოციალურ მედიაში ვრცელდება ვიდეო, რომელზეც ჩანს, როგორ ცდილობენ ისინი დამტვრეული ავტომობილებიდან დაშავებულების ამოყვანას.

#crollo #ponte #genova #adesso #now

A post shared by Giorgio Larosa (@giorgiolarosa93) on Aug 14, 2018 at 3:57am PDT

CNN-ის ცნობით, ხიდის ის სექცია, რომელიც ჩამოინგრა, რამდენიმე გზასა და სარკინიგზო ხაზს კვეთდა, ასევე გადიოდა სავაჭრო ცენტრებზე, სახლებსა და მდინარეზე. ხიდი გენუის ცენტრალურ ნაწილს აეროპორტთან და ქალაქის სხვა ნაწილებთან აკავშირებდა. ის 1968 წელს აიგო.