ნეტგაზეთი | აფეთქება ლონდონის მეტროში – პოლიციამ ერთი ეჭვმიტანილი დააკავა აფეთქება ლონდონის მეტროში – პოლიციამ ერთი ეჭვმიტანილი დააკავა – Netgazeti
Batumelebi | RU

აფეთქება ლონდონის მეტროში – პოლიციამ ერთი ეჭვმიტანილი დააკავა

ლონდონის პოლიციამ ერთი პირი დააკავა, რომელსაც ბრალად ედება საუსგეითის მეტროს სადგურში აფეთქება. 23 წლის ახალგაზრდა კაცი მას შემდეგ დააკავეს, რაც აფეთქების შედეგად 5 ადამიანი დაშავდა. ამის შესახებ BBC წერს.

აფეთქება ლონდონის დროით 19 ივნისს, 19:00 საათზე მოხდა. სასწრაფო დახმარების ინფორმაციით, 3 დაშავებულს დახმარება ადგილზევე გაუწიეს, ხოლო 2 საავადმყოფოში გადაიყვანეს.

მედიასაშუალების ცნობით, აფეთქების შედეგად, როგორც თვითმხილველები იხსენებენ, სადგური ცეცხლის ალში გაეხვა. წინასწარი ცნობით, შემთხვევა ხელნაკეთმა ასაფეთქებელმა საშუალებამ გამოიწვია, რომელიც, როგორც პოლიცია მიიჩნევს, ბურღის ბატარეისგან იყო დამზადებული.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან