ნეტგაზეთი | სირია, ავღანეთი… და საქართველო – EU-ს ქვეყნებში თავშესაფრის მაძიებელთა ათეული სირია, ავღანეთი… და საქართველო – EU-ს ქვეყნებში თავშესაფრის მაძიებელთა ათეული – Netgazeti

სირია, ავღანეთი… და საქართველო – EU-ს ქვეყნებში თავშესაფრის მაძიებელთა ათეული

2018 წლის აპრილის თვის მონაცემებით ევროკავშირის ქვეყნებს თავშესაფრის მოთხოვნით 49 716 აპლიკანტმა მიმართა. აპლიკანტთა 3% საქართველოს მოქალაქეა. სწორედ ამიტომ, საქართველო თავშესაფრის მთხოვნელთა საერთო რეიტინგში მეათე ადგილს იკავებს.

სირიაა 13%, ერაყი 6%, ავღანეთი 6% – ასეთია ევროკავშირის ქვეყნებში თავშესაფრის მიღების მსურველთა პირველი სამეული. შემდეგ მოდის ვენესუელა 5%, ნიგერია 4%, პაკისტანი 4%,  ერიტრეა 4%, ალბანეთი 3% და საქართველო 3%.

ევროპის თავშესაფრის მხარდაჭერის ოფისის (EASO) მიერ გამოქვეყნებული სტატისტიკის მიხედვით, ყოველი სამი აპლიკანტიდან, რომელსაც ევროკავშირის ქვეყნებში თავშესაფრის მიღება სურდა, ერთი აუცილებლებლად იყო სირიიდან, ერაყიდან, ავღანეთიდან, ვენესუელადან ან ნიგერიიდან.

მიმდინარე წლის აპრილში აპლიკანტთა მხოლოდ 33%-მა მიიღო ლტოლვილის სტატუსი ან შენაცვლებითი (სუბსიდიალური) მფარველობა.

ევროკავშირის ქვეყნებში თავშესაფრის მთხოვნელთა რაოდენობა მარტის თვესთან შედარებით ახლა 3%-ითაა გაზრდილი.

ევროკავშირის ქვეყნებში თავშესაფრის მიღების მსურველთა სტატისტიკური მონაცემები.  ფოტო: სალომე საძაგლიშვილი, საფრანგეთის მიგრაციის და ინტეგრაციის დეპარტამენტის OFI

 

ნეტგაზეთის მასალების სხვა გამოცემებში გადაბეჭდვის წესი
ავტორი