ძლიერი წვიმა მარნეულში: საგანგებო სიტუაციათა სამსახურში 8 გამოძახება შევიდა

მარნეულში მოსულმა ძლიერმა წვიმამ ქალაქში პრობლემები შექმნა. უხვი ნალექის შედეგად, საცხოვრებელი სახლების პირველი სართულები დაიტბორა.

საგანგებო სიტუაციების მართვის სააგენტოს ცნობით, ამ დროისთვის(21:30) უწყებაში 8 გამოძახებაა შესული. ყველა შემთხვევაში, მოქალაქეები სახლების პირველი სართულების დატბორვის შესახებ იუწყებოდნენ. ამ დროისათვის მაშველები ამოტუმბვით სამუშაოებს ახორციელებენ, რომლებიც ნაწილობრივ, დასრულებულია.

მარნეულში ძლიერი წვიმა, დაახლოებით, ორი საათის წინ დაიწყო.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან