ახალი ამბები | ეკონომიკა | ,

იანვარ-აპრილში საგარეო სავაჭრო ბრუნვა 22.1%-ით გაიზარდა – წინასწარი მონაცემები

21 მაისი, 2018 | | 1577
იანვარ-აპრილში საგარეო სავაჭრო ბრუნვა 22.1%-ით გაიზარდა – წინასწარი მონაცემები

2018 წლის იანვარ-აპრილში საგარეო სავაჭრო ბრუნვა წინა წლის შესაბამის პერიოდთან შედარებით 22.1%-ით გაიზარდა. სტატისტიკის ეროვნული სამსახურის წინასწარი ინფორმაციით, დეკლარირებული საგარეო ვაჭრობიდან ოთხი თვის განმავლობაში მიღებული შემოსავალი სამ მილიარდ დოლარს აჭარბებს. აქედან 961.4 მლნ დოლარი ექსპორტზე მოდის. 2017 წლის იანვარ-აპრილთან შედარებით ქვეყნის ექსპორტი 22%-ით გაიზარდა. დაახლოებით იგივე ზრდაა იმპორტის მიმართულებითაც. მიმდინარე წლის ოთხ თვეში იმპორტის რაოდენობამ ორ მილიარდს გადააჭარბა.

რომელ ქვეყნებში ყიდის საქართველო ყველაზე მეტ პროდუქტს

უმსხვილესი სავაჭრო პარტნიორები არიან: თურქეთი, რუსეთი და  აზერბაიჯანი. საქსტატის წინასწარი ინფორმაციით, 2018 წლის იანვარ-აპრილში ევროკავშირთან ვაჭრობა 25.7%-ით გაიზარდა. აქედან ექსპორტი 241.8 მლნ. აშშ დოლარი იყო (23.7 პროცენტით მეტი), ხოლო იმპორტი- 828.4 მლნ. აშშ დოლარი (26.3 პროცენტით მეტი). ევროკავშირის ქვეყნებთან სავაჭრო ბრუნვა ოთხ თვეში დაახლოებით 25%-ითაა გაზრდილი.  ჯამში, ევროკავშირის ქვეყნებთან ბრუნვამ მილიარდ დოლარს გადააჭარბა. აქედან ექსპორტი 241.8 მლნ. აშშ დოლარი იყო (23.7%-ით მეტი), ხოლო იმპორტი- 828.4 მლნ. აშშ დოლარი (26.3%-ით მეტი).

წყარო: საქსტატი

წყარო: საქსტატი

რას ყიდის საქართველო საზღვარგარეთ

საექსპორტო საქონელში პირველ და მეორე ადგილს ბუნებრივი რესურსები იკავებს. 2018 წლის იანვარ-აპრილში, სასაქონლო ჯგუფებიდან, ექსპორტის მხრივ პირველი ადგილი სპილენძის მადნებმა და კონცენტრატებმა დაიკავა. მეორე ადგილზეა ფეროშენადნობები. შემდეგ მოდიან მსუბუქი ავტომობილები და ყურძნის ნატურალური ღვინოები.

წყარო: საქსტატი

რაც შეეხება იმპორტს, ქვეყანაში მიმდინარე წლის პირველ ოთხ თვეში ყველაზე დიდი ოდენობით ნავთობი და ნავთობპროდუქტები შემოვიდა.

მასალების გადაბეჭდვის წესი