ამ წუთებში (04:50) ასეულობით ადამიანი საპროტესტო აქციას მართავს თბილისში, რუსთაველის გამზირზე, პარლამენტის შენობასთან.
ისინი აპროტესტებენ პარასკევ საღამოს მასშტაბური სპეცოპერაციის შედეგად არაერთი ადამიანის დაკავებას. შსს-ს ოფიციალური ინფორმაციით, ნარკორეალიზაციის ბრალდებით რვა პირი დააკავეს, თუმცა დაწყებული შეხლა-შემოხლის შედეგად დაკავებულთა რაოდენობა გაცილებით მეტია. სამართალდამცავ უწყებას მათ შესახებ ოფიციალური ინფორმაცია ჯერ არ გაუვრცელებია.
პოლიციელები მოქალაქეთა დაკავებას რუსთაველის გამზირზეც აგრძელებენ და ახალგაზრდებს აქციის თავისუფლად ჩატარების საშუალებას არ აძლევენ. ადგილზე მობილიზებულია ასეულობით პოლიციელი, მათ შორის, ნიღბიანიც.
