საქართველოს ფინანსთა სამინისტროს საგამოძიებო სამსახურის ცნობით, დიდი ოდენობით ფულადი თანხის თაღლითურად დაუფლების ფაქტზე ერთი პირი დააკავეს.
უწყების ცნობით, ბრალდებულმა მოქალაქე დაარწმუნა, რომ ინტერპოლის მაღალჩინოსანი იყო, შემდეგ $5 ათასი გამოართვა და მაღალი თანამდებობის პირის დახმარებით თბილისის ზღვის მიმდებარედ სახელმწიფო საკუთრებაში არსებული ნაკვეთის შესყიდვაში დახმარებას დაჰპირდა.
საქმეზე გრძელდება გამოძიება საქართველოს სისხლის სამართლის კოდექსის 180-ე მუხლის მესამე ნაწილით, რაც სასჯელის სახით ითვალისწინებს თავისუფლების აღკვეთას 6-დან 9-წლამდე ვადით.
