“მე ვთვლი, რომ ცივილიზებულ საზოგადოებაში არ უნდა არსებობდნენ გარიყული ადამიანები. როდესაც ადამიანების ჯგუფი არის გარიყული, არ ჰყავთ მათ ოჯახი, ან ოჯახმა მათზე თქვა უარი, ამ ადამიანებს სჭირდებათ თავზე ჭერი. აქედან გამომდინარე, ჩვენ არ უნდა მივდიოდეთ იმ ქვეყნისკენ, სადაც ადამიანები ცხოვრობენ ქუჩაში, სადაც ადამიანები არიან ძალადობის მსხვერპლი. ამიტომ ნებისმიერი თავშესაფრის იდეა, მათ შორის ამ თავშესაფრის იდეა არის ჰუმანისტური და დასანანია, რომ ამის რეალიზება დროებით გადაიდო,”- განაცხადა თეა წულუკიანმა “ექსპო ჯორჯია”-ში გამართული ღონისძიების დასრულების შემდეგ, რომელზეც “ყოფილ პატიმართა რესოციალიზაცია-რეაბილიტაციის პროგრამის” ერთწლიანი შედეგი მიმოიხილეს.