“ქალთა მოძრაობა” სახელმწიფსგან ფემიციდის აკრძალვას მოითხოვს პეტიციით, რომელიც დღეს გამოქვეყნდა. როგორც პეტიციის ავტორები განმარტავენ, ამის აუცილებლობა საქართველოში ქალთა მკვლელობების გახშირებულმა ფაქტებმა გამოიწვია.
პეტიციის ხელმომწერები სახელმწიფო უწყებებს შემდეგი მოთხოვნებით მიმართავენ:
საქართველოს პარლამენტს – მიიღოს სპეციალური მუხლი სისხლის სამართლის კოდექსში ფემიციდის აკრალვის შესახებ, ან გამოყოს გენდერულად მოტივირებული მკვლელობა დამამძიმებელ გაერმოებად და განსაზღვროს ამ დანაშაულისთვის 13-20 წლამდე თავისუფლების აღკვეთა; ხოლო სხვა დამამძიმებელი გარემოებების არსებობის შემთხვევებში- უვადო პატიმრობა
პროკურატურას –სპეციალური მუხლის ამოქმედებამდე ჩადენილი ფემიციდის შემთხვევებში პროკურატურამ გამოკვეთოს გენდერული დისკრიმინაციის მოტივი, რათა მოსამართლემ შეძლოს სანქციის დამძიმება.
შინაგან საქმეთა სამინისტროს – დროულად შეიმუშაოს და ეფექტურად აღასრულოს რისკების შეფასება, რათა ყველა საშუალებით მოხდეს ფემიციდის თავიდან აცილება.
საქართველოს პრეზიდენტს – არ გამოიყენოს შეწყალების უფლებამოსილება ფემიციდსა და სხვა გენდერული სიძულვილით მოტივირებულ დანაშაულებზე.