“ტესტირება ნებაყოფლობით 222-დან 148 დაინტერესებულმა პატიმარმა ჩაიტარა. მიმდინარე კვირაში ქალ მსჯავრდებულთა შორის ინფექციის გავრცელების მაჩვენებლები უკვე ცნობილი იქნება”, – ნათქვამია სამინისტროს განცხადებაში.
მათივე ინფორმაციით, პროგრამის ფარგლებში ეს უკვე მეორე მიზნობრივი ჯგუფია, სადაც ტესტირება მასობრივად ჩატარდა. პროგრამის დაწყების ადრეულ ეტაპზე ტესტირება უვადოდ თავისუფლებააღკვეთილ პატიმრებს უკვე ჩაუტარდათ. 1 წლის განმავლობაში კი 10 000-ზე მეტ პატიმრის ტესტირება იგეგმება.
“პროგრამის მეორე ფაზა C ჰეპატიტით დაავადებული პატიმრების მკურნალობას გულისხმობს, რომლის ფარგლებშიც 2 წლის განმავლობაში მკურნალობა 1000 პატიმარს ჩაუტარდება. პაციენტები, ყოველგვარი დისკრიმინაციის გარეშე, სპეციალური სამედიცინო კრიტერიუმების საფუძველზე შეირჩევიან”, – აცხადებენ სამინისტროში.