სირიაში, ხმეიმის ავიაბაზაზე დაშვებისას, რომელსაც ამ დროისთვის რუსეთი მართავს, რუსული თვითმფრინავი ჩამოვარდა. ამის შესახებ Meduza წერს.
გამოცემის თანახმად, თვითმფრინავის ბორტზე 26 მგზავრი და ეკიპაჟის 6 წევრი იმყოფებოდა. თვითმფრინავი ასაფრენ ბილიკამდე 500 მეტრის დაშორებით ჩამოვარდა. ავიაკატასტროფა რუსეთის დროით 15 საათზე მოხდა.
Meduza-ს ინფორმაციით, რუსეთის თავდაცვის სამინისტრო ადასტურებს თვითმფრინავის ჩამოვარდნას და განმარტავს, რომ თვითმფრინავი არ ჩამოუგდიათ, ხოლო მომხდარის გამოსაძიებლად სპეციალური კომისია შეიქმნება.
