ახალი ამბები | სამხრეთ კავკასიის ამბები | ,

ერევანში ტრანსგენდერ ქალს სცემეს და მის ბინას ცეცხლი წაუკიდეს

1 მარტი, 2018 | | 1493
ერევანში ტრანსგენდერ ქალს სცემეს და მის ბინას ცეცხლი წაუკიდეს

28 თებერვლის ღამეს ერევანში ტრანსგენდერ ქალს ფიზიკური შეურაცხყოფა მიაყენეს და მის ნაქირავებ სახლს ცეცხლი წაუკიდეს. ფაქტზე აღძრულია სისხლის სამართლის საქმე, ამის შესახებ ინფორმაციას Epress.am ავრცელებს.

საზოგადოებრივი ორგანიზაცია “სიმართლის მხარის” ხელმძღვანელმა, ლილიტ მარტიროსიანმა გამოცემას განუცხადა, რომ ნაცემი ტრანსგენდერი ქალის მდგომარეობა სტაბილურად მძიმეა,-  მას ესმის, თუმცა ვერ საუბრობს.

როგორც ორგანიზაციის იურისტმა, ვაგე მანუკიანმა Epress.am-ს განუცხადა, დამნაშავის ვინაობა ცნობილია და ის არ იმალება. მისი თქმით, მომხდართან დაკავშირებით სისხლის სამართლის საქმეზე გამოძიება “სხეულის განზრახ მძიმე დაზიანების” მუხლით დაიწყო.

მასალების გადაბეჭდვის წესი