საქმეს მოსამართლე გიორგი მიქაუტაძე განიხილავს, ხოლო ზურაბიშვილის ინტერესებს საქართველოს ახალგაზრდა იურისტთა ასოციაციის წარმომადგენელი ქეთი კრაწაშვილი, ასევე, ლიკა წიკლაური და გიორგი გოცირიძე იცავენ.
“ველოდები კანონის აღსრულებას”, – განაცხადა სალომე ზურაბიშვილმა სასამართლოს დაწყებამდე.
ქეთი კრაწაშვილის კი ამბობს, რომ ზურაბიშვილის სარჩელი აბსოლუტურად დასაბუთებული და კონსტიტუციურია.
“თუ სასამართლო ობიექტური იქნება, მან უნდა მიიღოს ჩვენთვის საურველი გადაწყვეტილება, თუმცა დაველოდოთ”, – განაცხადა მან.
ცესკომ სალომე ზურაბიშვილს, რომელსაც ორმაგი მოქალაქეობა გააჩნია, საპრეზიდენტო სუბიექტად რეგისტრაციაზე უარი 3 სექტემბერს უთხრა. ცესკოს გადაწყვეტილებას არასამთავრობო ორგანიზაციების ნაწილი, მათ შორის საია და “სამართლიანი არჩევნები” არ ეთანხმებიან. ზურაბიშვილმს ეს გადაწყვეტილება სასამართლოში გაასაჩივრა.
