შსს ცნობით, 4 თებერვალს კოჯრის ტყეში ნაპოვნი გარდაცვლილი ახალგაზრდა კაცი ოცმეთაური იყო.

გარდაცვლილის ოჯახმა პოლიციას 28 იანვარს მიმართა. ოჯახის განცხადებით, ახალგაზრდა კაცი სახლიდან გავიდა და აღარ დაბრუნებულა. უწყების ცნობით, გარდაცვლილის  ცხედარს ძალადობის ნიშნები არ ეტყობოდა.

საქმეზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.