Bitcoin-ის ფასი მსოფლიო ბაზარზე კლებულობს, ამის მიზეზი ჩინეთში კრიპტოვალუტით ვაჭრობასთან დაკავშირებული რეგულაციების გამკაცრებაა.
BBC წერს რომ ჩინეთის მთავრობის ეს გადაწყეტილება ციფრული ვალუტით ვაჭრობის ძალიან სწრაფად გავრცელებას უკავშირდება. მთავრობამ კრიპტოვალუტაში ფინანსური სპეკულაციების საფრთხე დაინახა.
მთავრობის განცხადების შემდეგ BTCC-მ განაცხადა, რომ კრიპტოვალუტით ვაჭრობას შეწყვეტს, რასაც Bitcoin-ის ფასის უეცარი ვარდნა მოჰყვა. BTC China მსოფლიოში მეორე უდიდეს ბიტკოინის გამცვლელია, რომელიც 2011 წელს შანხაიში დაფუძნდა. არსებობს მოლოდინი, რომ ჩინეთის მთავრობა უფრო მეტი ინტერვენციის განხორციელებას გეგმავს კრიპტოვალუტაზე. შესაძლოა ქვეყანამ საერთოდ აკრძალოს bitcoin-ით ვაჭრობა.
7 სექტემბრის შემდეგ bitcin-ის ფასი 27%-ით გაუფასურდა.
კრიპტოვალუტის რეგულაციის მომხრეები მთელ მსოფლიოში კარკვეულ საფრთხეებზე საუბრობენ, რაც ელექტრონულ ვალუტას თან ახლავს. ერთ-ერთ ძირითად საფრთხედ გარკვეული სპეკულაციები სახელდება ინვესტიციების კუთხით.
Bitcoin კრიპტოვალუტა იგივე ციფრული ვალუტაა, რომელიც ელექტრონული ვაჭრობისთვის გამოიყენება. ციფრული ვალუტა სახელმწიფოს მხრიდან არ რეგულირდება.