კანადაში, ქალაქ ოტავაში კომუნიზმის მსხვერპლთა მემორიალის მშენებლობისთვის საქართველო 20 325 აშშ დოლარს გადაიხდის. თანხა საქართველოს პრემიერ-მინისტრმა სპეციალური გნაკარგულების საფუძველზე საგარეო საქმეთა სამინისტროს 22 აგვისტოს გამოუყო.
როგორც საგარეო საქმეთა სამინისტროს განხადებაშია ნათქვამი, “თავისუფლების მემორიალის” პროექტის ავტორებს, კანადა-პოლონეთის კონგრესის თავმჯდომარეს და კანადის პოლონური დიასპორის ხელმძღანელს კანადაში საქართველოს ელჩი კონსტანტინე ქავთარძე შეხვდა. მემორიალი იმ ქვეყნებს ეძღვნება, რომლებიც კომუნისტური რეჟიმის მსხვერპლი იყვნენ.
როგორც საგარეო უწყებაში აცხადებენ, მემორიალის აგება ოტავაში იგეგმება, დაფინანსების ნაწილს კანადის მთავრობა უზრუნველყოფს. ორგანიზატორებმა პროექტში მონაწილეობის მისაღებად მიიწვიეს ცენტრალური და აღმოსავლეთ ევროპის ქვეყნები, მათ შორის, საქართველო, უკრაინა და მოლდოვა.
მემორიალის დიზაინისთვის კონკურსი იყო გამოცხადებული. გამარჯვებული პროექტის შესახებ ინფორმაცია CBC ავრცელებს.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")