საგანგებო სიტუაციების მართვის სააგენტოს ცნობით, თელავის მუნიციპალიტეტში, სოფელ რუისპირში ხანძრის შედეგად 1 ჰექტრამდე ფართობი დაიწვა.
როგორც სააგენტოში განგვიცხადეს, იყო იმის საშიშროება, რომ ხანძარი ვენახებშიც გავრცელებულიყო, რადგან ცეცხლი თითქმის ნარგავებამდე იყო მისული, თუმცა მეხანძრე-მაშველების დროული მუშაობის შედეგად ხანძრის ლოკალიზება მანამდე მოხერხდა.
საგანგებო სიტუაციების მართვის სააგენტოს ცნობით, დამწვარია ბალახი, ხოლო ვაზი მნიშვნელოვნად არ დაზიანებულა.
