ახალი ამბები

საქართველოს პროკურატურამ სააკაშვილის საკითხზე პოლონეთს მიმართა

4 აგვისტო, 2017 • 14476
საქართველოს პროკურატურამ სააკაშვილის საკითხზე პოლონეთს მიმართა

“მიხეილ სააკაშვილის პოლონეთის რესპუბლიკაში ვიზიტთან დაკავშირებით, მედიასაშუალებებით გავრცელებული ინფორმაციის საფუძველზე, საქართველოს მთავარმა პროკურატურამ მიმართა პოლონეთის რესპუბლიკის კომპეტენტურ ორგანოებს და დაწყებულია კანონით გათვალისწინებული ყველა შესაბამისი პროცედურა,” – აცხადებენ საქართველოს პროკურატურაში.

საქართველოს მე-3 პრეზიდენტი მიხეილ სააკაშვილი, რომელსაც ცოტა ხნის წინ უკრაინის მოქალაქეობა, ჩამოართვეს, პოლონეთში იმყოფება. ეს ინფორმაცია ნეტგაზეთს ენმ-ს პრესსამსახურშიც დაუდასტურეს. პოლონური მედია მიხეილ სააკაშვილის სიტყვით გამოსვლის ვიდეოსაც ავრცელებს ვარშავიდან.

საქართველოს იუსტიციის მინისტრმა თეა წულუკიანმა 30 ივლისს განაცხადა, რომ საქართველოს მიერ უკრაინის პროკურატურაში 2 წლის წინ წარდგენილი მოთხოვნა კვლავ ძალაშია და თუ უკრაინული მხარე გადაწყვეტს, მათ შეუძლიათ ქვეყანაში დაბრუნებული სააკაშვილი საქართველოს გადმოსცენ. თუმცა სააკაშვილი უკრაინაში ჯერ არ დაბრუნებულა, ის პოლონეთშია.

26 ივლისს საქართველოს მესამე პრეზიდენტს, მიხეილ სააკაშვილს უკრაინის მოქალაქეობა ჩამოართვეს. ის იმ დროს აშშ-ში იმყოფებოდა და მოქალაქეობის გარეშეა დარჩენილი.

მასალების გადაბეჭდვის წესი