მეცნიერებმა წარმატებით შეძლეს ადამიანის ემბრიონის დნმ-ის კორექტირება – ინფორმაციას ამის შესახებ ამერიკული და ბრიტანული მედია ავრცელებს.

მსოფლიო ისტორიაში პირველად ხდება, როცა მეცნიერებმა ამ გზით შეძლეს მემკვიდრეობით თანდაყოლილი დაავადების გამოსწორება.

კვლევას ატარებდენ ორეგონის მეცნიერებისა და ჯანმრთელობის უნივერსიტეტის, Salk-ის სამეცნიერო ინსტიტუტის და სამხრეთ კორეაში არსებული მეცნიერების ინსტიტუტის მკვლევრები და მეცნიერები.  კვლევის შედეგები ჟურნალ Nature-ში გამოქვეყნდა.

მეცნიერი შუხრატ მიტალიპოვი ორეგონის ჯანმრთელობის და მეცნიერების უნივერსიტეტიდან (OHSU) ამბობს, რომ ამ ტექნიკის გამოყენებით აღარავინ დაიტანჯება მემკვიდრეობით მიღებული დაავადებებით. როგორც კი ერთი ემბრიონის დნმ-ის კორექტირება მოხდება და გათავისუფლდება მემკვიდრეობითი დაავადებისგან, ყველა მომდევნო თაობა გათავისუფლდება ამ დაავადებისგან.

მეცნიერები პირველ ჯერზე დაინტერესდნენ ჰიპერტროფიული კარდიომიოპათიით, გულ-სისხლძარღვთა დაავადებით, რომელიც საშუალოდ 500 ადამიანიდან ერთს ემართება და შესაძლოა გამოიწვიოს სიკვდილი.

ემბრიონი შესწორდა ძლიერი გენის შემცვლელი მოწყობილობით, რომელსაც Crispr-Cas9 ეწოდება.

როგორც კი არასასურველი გენი იშლება ემბრიონიდან, მას ახალი, ჯანმრთელი გენი ანაცვლებს.

მეცნიერებმა ცდა ჩაატარეს 58  ემბრიონზე და მათგან 42 -ზე დადებითი შედეგი მიიღეს.

ახალი გამოგონება საშუალებას იძლევა ვებრძოლოთ გენეტიკურ დაავადებებს, თუმცა გენურ ჩარევას ემბრიონში ბევრი მოწინააღმდეგეც ჰყავს.

ფოტო: sciencenews.org