"ღირსეული პარტნიორი 2017" - ვაზიანში მრავალეროვანი სამხედრო სწავლება გაიხსნა - Netgazeti • თავდაცვის სამინისტრო • სამხედრო წვრთნები • Netgazeti.ge

დღეს, 30 ივლისს, ვაზიანის სამხედრო აეროდრომზე მრავალეროვანი სწავლება “ღირსეული პარტნიორი 2017” გაიხსნა.

სწავლება უპრეცედენტოდ ფართომასშტაბიანია – მასში მონაწილეობას დაახლოებით 2800 სამხედრო მიიღებს და ჩართული იქნება 8 ქვეყანა: საქართველო, აშშ, გაერთიანებული სამეფო, გერმანია, თურქეთი, სლოვენია, სომხეთი და უკრაინა.

სწავლების გახსნაზე გამოფენილია როგორც საქართველოს, ასევე აშშ-ისა და გერმანიის საბრძოლო ტექნიკა.

სწავლებაში გამოიყენებენ აშშ-ის ტანკ “აბრამსს”, ქვეითთა საბრძოლო მანქანებს, “ბრედლის” და “სტრაიკერს”, აგრეთვე- გერმანულ ჯავშანრტანსპორტიორ “ბოქსერს”. სწავლებაში ჩართული იქნება საქართველოს შეიარაღებული ძალების შემადგენლობაში არსებული ტ 72 ტიპის ტანკი, ქსმ 2, საარტილერიო დანადგარი დანა (152 მმ) და ჯავშანტრანსპორტიორი “დიდგორი”.

მრავალეროვნული სწავლება „ღირსეული პარტნიორი 2017“ 30.07.17 ფოტო: ნეტგაზეთი/ქეთი მაჭავარიანი