გამოძიების ცნობით, ძამაშვილმა და მენთეშაშვილმა თურქეთის რესპუბლიკაში საქონლის ტყავის ექსპორტისთვის ერთ-ერთ შპს-ზე უკანონოდ გასცეს „საქართველოდან ექსპორტირებული ცხოველური წარმოშობის ნედლეულის“ ვეტერინარული სერთიფიკატი, რის საფუძველზეც აღნიშნულმა კომპანიამ მსხვილფეხა რქოსანი საქონლის ტყავის ექსპორტი თურქეთში სამჯერ განახორციელა.
გამოძიება მიმდინარეობს საქართველოს სისხლის სამართლის კოდექსის 332-ე მუხლის პირველი ნაწილით (სამსახურებრივი უფლებამოსილების ბოროტად გამოყენება), რაც ითვალისწინებს თავისუფლების აღკვეთას 3 წლამდე ვადით.
