ევროპის პარლამენტმა მარია გაბრიელი, რომელიც ევროპის პარლამენტში საქართველოსთვის უვიზო რეჟიმის მინიჭების საკითხზე იყო მომხსენებელი, ევროკომისრად აირჩია.
საუბარია ევროკომისარზე, რომლის პასუხისმგებლობაშიც ციფრული პოლიტიკა შედის.
დღეს, 4 ივლისს გამართულ სხდომაზე მის კანდიდატურას მხარი დაუჭირა 517-მა პარლამენტარმა, 77-მა პარლამენტარმა წინააღმდეგ მისცა ხმა, ხოლო 89 პარლამენტარმა თავი შეიკავა.
მარია გაბრიელი ევროპარლამენტში ევროპის სახალხო პარტიის (EPP) პოლიტიკური ოჯახის წევრია.
