ხადური: შევამოწმებთ საწარმოებს, რომლებიც იყვნენ საგადასახადო ოაზისში

“ფინანსთა სამინისტროს სამსახურების შესვლა არის ჩვეულებრივი მოვლენა მსოფლიოს ყველა ბიზნესისათვის. თუ ადამიანებს რამე აქვთ დანაშაული, ამას ჩვენ შევისწავლით, თუ აქვთ ყველაფერი კარგად, ბოდიშს მოვუხდით და უკან გამოვალთ. არანაირი ზეწოლა არ მიმდინარეობს, კომპანიები, რომლებიც იყვნენ საგადასახადო ოაზისში და არ იხდიდნენ გადასახადებს, ჩვენ გვაქვს ეს ინფორმაცია და ფინანსთა სამინისტროს შესაბამისი სამსახურები ამ საწარმოებს შეამოწმებენ, მიუხედავად იმისა, ვინ როდის იყო მისი დამფუძნებელი, არ აქვს ამას მნიშვნელობა, ჩვენ შევამოწმებთ ყველა საწარმოს, რომლის მიმართაც არსებობს კითხვები”, – განაცხადა ნოდარ ხადურმა მთავრობის სხდომის დასრულების შემდეგ.