ამის შესახებ განათლებისა და მეცნიერების მინისტრის მოადგილემ თამარ სანიკიძემ მთავრობის სხდომის შემდეგ მედიასთან ისაუბრა.
“მთავრობის ვაუჩერული დაფინანსების შესახებ არსებულ დადგენილებაში შევიდა ცვლილებები, რომლის შედეგადაც საჯარო სკოლის ყველა პედაგოგის ხელფასი 70 ლარით იზრდება. მეტი სახელფასო ზრდა 2013 წელს აღარ იგეგმება, 2013 წლის ბოლოს კი საშემოსავლო გადასახადის ხარჯზე პედაგოგები მე-13 ხელფასს მიიღებენ,”- განაცხადა სანიკიძემ.
