ტრამპის ინაუგურაცია საპროტესტო აქციების ფონზე გაიმართა [ფოტო]

ამერიკის ახლად არჩეული პრეზიდენტის, დონალდ ტრამპის ინაუგურაციის პარალელურად საპროტესტო აქციები გაიმართა.

“როიტერის” ცნობით, შავ ტანსაცმელში ჩაცმულმა ადამიანების ჯგუფმა, რომელთა რაოდენობა დაახლოებით 500 იყო, ვაშინგტონში მდებარე კაპიტალიზმის ამერიკულ სიმბოლოებს: ამერიკის ბანკის ფილიალსა და მაკდონალდის რესტორანს დაესხნენ თავს და ჩაამსხვრიეს შუშები.

ტრამპის მოწინააღმდეგეთა სხვა ჯგუფებიც იყვნენ შეკრებილი ვაშინგტონის ქუჩებში, რომლებიც ტრამპის საწინააღმდეგო სლოგანებს ყვიროდნენ, მათ შორის იყო ასეთიც: “შევაშინოთ რასისტები კვლავაც”, რაც ტრამპის სლოგანის “დავუბრუნოთ დიდება ამერიკას” გადაკეთებული ვარიანტია.

როიტერის ცნობით, 90 წუთით ადრე, სანამ ტრამპი ფიცს დადებდა, კაპიტოლიუმიდან 2 კილომეტრის მოშორებით პოლიცია დაუპირისპირდა აქციის მონაწილეების ჯგუფს, რომელთა წინააღმდეგ რეზინის ტყვიები და ცრემლსადენი აირი გამოიყენა.

აღნიშნული დაპირისპირების შესახებ CNN იუწყება, რომ 2 პოლიციელი დაშავდა და აქციის დაახლოებით 100 მონაწილეა დაკავებული. მედიასაშუალების ცნობით, დაშავებული პოლიციელები საავადმყოფოში გადაიყვანეს, თუმცა მათ სიცოცხლეს საფრთხე არ ემუქრება. პოლიციის ცნობით, ადგილობრივი დროით 2 საათისთვის 95 ადამიანი დააკავეს.

Usa Today კი წერს, რომ აქციები გაიმართა ნიუ იორკში, დონალდ ტრამპის საცხოვრებელთან, სადაც ათასამდე მონაწილე მივიდა, მათ შორის მსახიობები: რობერტ დენირო, შერი და სხვები.

გთავაზობთ, ევროპის პრესფოტოსააგენტოს ფოტოგრაფების მიერ გადაღებულ ფოტოებს, რომლებიც დონალდ ტრამპის ინაუგურაციას უკავშირდება:

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.