დღეს, 20 იანვარს, თბილისის მუნიციპალიტეტის საკრებულომ მხარი დაუჭირა პარლამენტარ გიორგი მოსიძისთვის ფართის იჯარით გადაცემას.
ვარკეთილის მესამე დასახლების მეორე მიკრორაიონის 30-ე კორპუსის პირველ სართულზე არსებული 96 კვადრატული მეტრი მოსიძეს მაჟორიტარი დეპუტატის ბიუროს მოსაწყობად გადაეცა.
ფართი მოსიძეს 2020 წლის 1 ნოემბრამდე გადაეცემა თვეში 315 ლარად (წლიური 3780 ლარი).
აღნიშნული ფართი თბილისის მერიის ქონების მართვის სამსახურის დაქვემდებარებაშია. გიორგი მოსიძე მე-11 საარჩევნო ოლქის მაჟორიტარი დეპუტატი და საპარლამენტო უმრავლესობის წევრია.
