ტრამპის განცხადების შემდეგ დოლარი გაუფასურდა – Reuters

Reuters-ის მიერ გამოქვეყნებული პუბლიკაციის მიხედვით, ამერიკული დოლარის კურსის დღევანდელი ვარდნა აშშ-ის ახალი პრეზიდენტის, დონალდ ტრამპის განცხადებას უკავშირდება, რომელიც ამ უკანსკნელმა WSJ-ისთვის მიცემულ ინტერვიუში გააკეთა.

ტრამპმა განაცხადა, რომ დოლარი ძალიან ძლიერია, რაც აშშ-ის კონკურენტუნარიანობას აზარალებს. “ამერიკულ კომპანიებს უჭირთ ჩინეთთან კონკურენცია, რადგან ვალუტა ზედმეტად ძლიერია და ჩვენ ეს გვკლავს”.

დღეს დოლარი მსოფლიოს წამყვანი ვალუტების კალათასთან მიმართებაში 0.8%-ით გაუფასურდა. დოლართან მიმართებაში 5 თეთრით გამყარდა ლარიც. ამ დროისთვის ერთი დოლარი 2.65 ლარი ღირს.

Reuters წერს, რომ ინვესტორები ელოდებიან სიცხადეს იმასთან დაკავშირებით, თუ როგორი ეკონომიკური პოლიტიკა ექნება ტრამპს ინაუგურაციის შემდეგ, რომელიც პარასკევსაა დაგეგმილი.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com