ნეტგაზეთი | გიორგი კვირიკაშვილმა პეტრო პოროშენკო საქართველოში მოიწვია გიორგი კვირიკაშვილმა პეტრო პოროშენკო საქართველოში მოიწვია – Netgazeti
RU | GE  

გიორგი კვირიკაშვილმა პეტრო პოროშენკო საქართველოში მოიწვია

საქართველოს პრემიერ-მინისტრის პრესსამსახურის ინფორმაციით, გიორგი კვირიკაშვილსა და უკრაინის პრეზიდენტ პეტრო პოროშენკოს შორის სატელეფონო საუბარი შედგა.

როგორც კვირიკაშვილის გარე კომუნიკაციების მენეჯერი იტყობინება, მხარეებმა სხვადასხვა სფეროში ორმხრივი ურთიერთობების კიდევ უფრო გააქტიურებაზე ისაუბრეს.

“პეტრო პოროშენკომ გიორგი კვირიკაშვილს საპარლამენტო არჩევნებში მმართველი გუნდის გამარჯვება და პრემიერ-მინისტრის თანამდებობაზე ხელახლა დანიშვნა მიულოცა და წარმატებები უსურვა. უკრაინის პრეზიდენტმა საქართველოს მთავრობის მეთაურს, ასევე, გაერო-ში უკრაინასთან დაკავშირებული რეზოლუციის თანაავტორობისთვის მადლობა გადაუხადა.”

საქართველოს პრემიერ-მინისტრის პრესსამსახურის ცნობით, გიორგი კვირიკაშვილმა უკრაინის პრეზიდენტს დამდეგი შობა-ახალი წელი მიულოცა და  საქართველოში მოიწვია.

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.