ქუთაისში თეატრალური სეზონი დღეს, 19:00 საათზე სპექტკლ “ბამბაზიის სამოთხით” უნდა გახსნილიყო, სოხუმის დაცემის 19 წლისთავთან დაკავშირებით.
სპექტაკლის დაწყებამდე თეატრის მიმდებარე ტერიტორიაზე “ქართული ოცნების” აქტივისტები მივიდნენ, რომლებიც არიგებდნენ წიგნებს – “ბიძინა ივანიშვილი: საქმით ნათქვამი”.
სპექტაკლის დაწყებამდე გავრცელდა ინფორმაცია, რომ აუდიტორიიდან პროტესტის ნიშნად სცენაზე ცოცხების შეყრა იგეგმებოდა. ქუთაისის მესხიშვილის თეატრის მთავარი შესასვლელი ამ დრომდე დაკეტილია. მესხიშვილის თეატრის მმართველი – გიორგი სიხარულიძე ქუთაისის საკრებულოს წევრია “ერთიანი ნაციონალური მოძრაობიდან”.