შეხვედრა ღია იყო ჟურნალისტებისთვის. ივანიშვილისა და ჭანტურიას დაპირისპირება მოჰყვა კითხვა–პასუხის რეჟიმში რადიო “პალიტრის” მიერ დასმულ შეკითხვას საზოგადოებრივი მაუწყებლის მიმართ, რის შემდეგაც ჭანტურიამ დარბაზი დატოვა.

სიტყვიერმა დაპირისპირებამ მოგვიანებით სასტუმრო “რადისონის” შესასვლელთან გადაინაცვლა, ამჯერად ტელეკომპანია “მაესტროს” ერთ–ერთ მფლობელ მამუკა ღლონტსა და გია ჭანტურიას შორის. შეხვედრისას მამუკა ღლონტმა დამოუკიდებელი მედიის კომისიის შექმნის საკითხზე ისაუბრა, რამაც ჭანტურიას უკმაყოფილება გამოიწვია.