ადამიანის უფლებათა დაცვის საერთაშორისო დღეს ყოველწლიურად 10 დეკემბერს აღნიშნავენ. 2016 წელს გაერთიანებული ერების ორგანიზაცია ყველას მოუწოდებს, ადამიანის უფლებებისათვის იბრძოლოს. “ადამიანის საბაზისო უფლებებს ჯერ კიდევ არ სცემენ პატივს მთელ მსოფლიოში… კაცობრიობის ღირებულებები საფრთხეშია. სადაც უნდა ვიყოთ, – სკოლაში, ქუჩაში, სამსახურში, სოციალურ მედიაში – ჩვენ შეგვიძლია, ეს რეალობა შეცვალოთ”, – წერს გაერო.

ადამიანის უფლებათა დაცვის დღე სხვადასხვა ქვეყანაში საპროტესტო აქციებითაც აღნიშნეს. მაგალითად, ფილიპინების დედაქალაქ მანილაში ეს დღე პრეზიდენტ როდრიგო დუტერტეს წინააღმდეგ საპროტეტო დემონსტრაციით აღნიშნეს. საპროტესტო აქციები გაიმართა  კამბოჯაში, სადაც კამბოჯელმა მუშებმა დედაქალაქ პნომპენში პოლიციის ფარებთან ჩაატარეს საპროტესტო პერფორმანსი, სამხრეთ კორეაში- პრეზიდენტის წინააღმდეგ, ტაივანის დედაქალაქ ტაიბეიში – ქორწინების თანასწორობის მოთხოვნით და ა.შ. “ნეტგაზეთ” გთავაზობთ ფოტოებს – როგორ აღნიშნავენ სხვადასხვა ქვეყანაში 10 დეკემბერს.

ადამიანის უფლებათა დაცვის დღეს საპროტესტო აქცია მოეწყობა თბილისშიც, სადაც არაჰუმანურ ნარკოპოლიტიკას გააპროტესტებენ “თეთრი ხმაურის მოძრაობის” აქტივისტები და მათი მხარდამჭერები.

ადამიანის უფლებათა დაცვის საერთაშორისო დღე ფილიპინებში, მანილაში პრეზიდენტის წინააღმდეგ საპროტესტო აქცია-მსლელობით აღნიშნეს. 10.12.2016. ფოტო: EPA/FRANCIS R. MALASIG

“შეწყვიტეთ ხალხის დახოცვა” – ამ ლოზუნგით გაიმართა მანილაში საპროტესტო აქცია. EPA/FRANCIS R. MALASIG

10 დეკემბერი მანილაში. ფოტო: EPA/FRANCIS R. MALASIG

სამხრეთ კორეელები პრეზიდენტ პაკ კინ ჰეს წინააღმდეგ საპროტესტო აქციაზე. 10.12.2016. ფოტო: EPA/JEON HEON-KYUN

ადამიანის უფლებათ დაცვის საერთაშორისო დღე კამბოჯაში. ფოტო: EPA/MAK REMISSA

ათასობით ადამიანი შეიკრიბა ტაივანის დედაქალაქ ტაიბეიში ერთი და იმავე სქესის ადამიანების ქორწინების ლეგალიზების მოთხოვნით ადამიანის უფლებათა დაცვის საერთაშორისო დღეს. პარლამენტმა, მართალია, დაიწყო კანონში ცვლილებების განხილვა, თუმცა საზოგადოების ნაწილის მხრიდან წინააღმდეგობას აწყდება. 10.12.2016. ფოტო: EPA/RITCHIE B. TONGO

ქორწინების თანასწორობის მოთხოვნით საპროტესტო აქცია ტაივანის დედაქალაქ ტაიბეიში. 10.12.2016. ფოტო: EPA/RITCHIE B. TONGO

საპროტესტო აქცია ჰუმანური ნარკოპოლიტიკის მოთხოვნით გაიმართება დღეს თბილისში. ფოტოზე: იმავე მოთხოვნით წინა აქციის მონაწილე. 17.06.2016. ფოტო: ნეტგაზეთი/ლუკა პერტაია