შინაგან საქმეთა სამინისტრომ ოჯახში ძალადობის საკითხზე ვიდეორგოლი მოამზადა.

ვიდეორგოლი შსს-ს მიერ წამოწყებული სოციალური კამპანიის “ძალა ნდობას” ნაწილია. ამ კამპანიას შს სამინისტრო ევროკავშირის მიერ დაფინანსებული პროექტის – „საქართველოს შინაგან საქმეთა სამინისტროს ხელშეწყობა ოჯახში ძალადობის წინააღმდეგ ბრძოლაში“ ფარგლებში ახორციელებს.

“საინფორმაციო ხასიათის ვიდეორგოლი, რომლის პრეზენტაციაც დღეს გაიმართა, არის გზავნილი ძალადობის მსხვერპლებისთვის და მოქალაქეებისთვის, რომ ნდობით და ურთიერთდახმარებით შეგვიძლია ძალადობასთან გამკლავება და სიმშვიდის მოპოვება“, – აღნიშნა სიტყვით გამოსვლისას შს მინისტრის მოადგილემ, შალვა ხუციშვილმა ვიდეორგოლის პრეზენტაციაზე 3 დეკემბერს.