ნეტგაზეთი | ლარი აშშ დოლართან მიმართებით 5 თეთრით გაუფასურდა ლარი აშშ დოლართან მიმართებით 5 თეთრით გაუფასურდა – Netgazeti
RU | GE  

ლარი აშშ დოლართან მიმართებით 5 თეთრით გაუფასურდა

საქართველოს ეროვნული ბანკის მიერ 2016 წლის 2 დეკემბრისთვს დადგენილი ოფიციალური გაცვლითი კურსით, 1 აშშ დოლარი 2.5871 ლარი ღირს, რაც 1 დეკმბრისთვის დადგენილ კურსს 0.0519 ერთეულით აღემატება.

რაც შეეხება ევროს, ლართან მიმართებით 5 თეთრით გაძვირდა ევროც. კერძოდ, ეროვნული ვანკის კურსით, 1 ევროს შეძენა 2.7491 ლარად არის შესაძლებელი, რაც 1 დეკემბრისთვის დადგენილ კურსზე 0.0511 ერთეულით მეტია.

ეროვნულმა ბანკმა კურსი 1 დეკემბერს 16:30-ზე განაახლა. ამ დროისათვის “ბლუმბერგზე” 1 აშშ დოლარი 2.5638 ლარი ღირს, თუმცა, დღის განმავლობაში ბლუმბერგზე 1 აშშ დოლარი 10 თეთრით უფრო ძვირი, 2.66 ლარი ღირდა. ასევე, დღის განმავლობაში კომერციულ ბანკებში 1 აშშ დოლარის ფასმა 2. 72 ლარს მიაღწია, თუმცა, ამ დროისთვის, 2,63 ლარი ღირს.

ეროვნულ ბანკს 1 დეკემბერს ინტერვენცია არ მოუხდენია. მათ გაავრცელეს განცხადება, რომლის თანახმადაც, ნოემბრის თვეში ლარის გაუფასურება დოლარის მკვეთრი გამყარებით იყო გამოწვეული.

ნეტგაზეთის მასალების სხვა გამოცემებში გადაბეჭდვის წესი
ავტორი