საქართველოს ეროვნულმა ბანკმა აგვისტოს შემდეგ რეზერვიდან 160 მილიონი აშშ დოლარი გაყიდა. ეროვნულმა ბანკმა ბოლოს სავალუტო აუქციონზე 40 000 000 აშშ დოლარი 12 ოქტომბერს გაყიდა, როცა 1 დოლარის ოფიციალური ღირებულება 2.3365 ლარი იყო.
საქართველოს ეროვნული ბანკის მიერ 5 ნოემბრისთვის დადგენილი ოფიციალური გაცვლითი კურსით, ლარი დოლართან მიმართებაში ერთ თეთრზე მეტით გაუფასურდა.
კერძოდ, ოფიციალური მონაცემებით, 1 აშშ დოლარის ღირებულება 2.4516 ლარია, რაც 4 ნოემბრისთვის დადგენილ კურსს 0.0145 თეთრით აღემატება.
გაძვირდა ევროც – ეროვნული ბანკის მონაცემებით, 1 ევრო 2.7198 ლარი ღირს, რაც 0.0171 ერთეულით აღემატება 4 ნოემბრისთვის დადგენილ კურსს.
კომერციულ ბანკებში 1 აშშ დოლარის ფასი 2.47 ლარს აღწევს.
