ცესკო უარყოფს გავრცელებულ ინფორმაციას იმის შესახებ, რომ მთაწმინდის საარჩევნო ოლქის #20 უბანზე გადასატანი ყუთი გაიტაცეს.
გადასატანი ყუთი უბანზე დახვდა ნეტგაზეთის ჟურნალისტსაც [18:20-ზე].
“ეს ინფორმაცია ცენტრალურმა საარჩევნო კომისიამ არაერთხელ გადაამოწმა. აღნიშნული ინფორმაცია მედიასაშუალებებით გავრცელებულია ერთიანი ნაციონალური მოძრაობის მიერ. ეს ინფორმაცია სიმართლეს არ შეესაბამება და ყუთი არის საარჩევნო უბანზე,”- განაცხადა ცესკოს სპიკერმა ანა მიქელაძემ ცენტრალურ საარჩევნო კომისიაში.
ინფორმაცია იმის შესახებ, რომ გადასატანი ყუთი გაიტაცეს, ერთიანმა ნაციონალურმა მოძრაობამ გაავრცელა.
“#20 უბანზე მთაწმინდაში გადასატანი ყუთი საერთოდ გაიტაცეს და გარაჟშია ამჯერად ჩაკეტილი,”- განაცხადა ნაციონალური მოძრაობის წევრმა თინა ბოკუჩავამ პარტიის ოფისში გამართულ ბრიფინგზე.