საქართველოს მართლმადიდებელი ეკლესიის პატრიარქის მდივანი მიქაელ ბოტკოველი “ნეტგაზეთთან” საუბრისას ამბობს, რომ პატრიარქმა ილია II-მ რუსეთის საპატრიარქოსგან მოწვევა მიიღო პატრიარქ კირილე I-ის 70 წლის იუბილესთან დაკავშირებით.
მიქაელ ბოტკოველის თქმით, იუბილეზე მიწვეულნი არიან სხვა ეკლესიების დელეგაციები და ეკლესიების მეთაურები.
“გადაწყვეტილება გამგზავრებასთან დაკავშირებით ჯერ მიღებული არ არის”, – ამბობს პატრიარქის მდივანი.
მისივე ცნობით, ღონისძიება ნოემბრის თვეში, დაახლოებით 20 ნოემბრისათვის არის დაგეგმილი.
საქართველოს საპატრიარქოს დელეგაციის ვიზიტი მოსკოვში. 2013 წლის იანვარი
